NEGIS 2023-a Mizoram tih ve tur sawiho a ni
Chief minister Zoramthanga hoin nimin khan Cabinet meeting room-ah Empowered Committee for Investment in Mizoram an ṭhukhawm a, Ministry of DoNER-in May 29 - August 19, 2023 chhunga North East Global Investors Summit (NEGIS)-a buatsaih turah Mizorama investment tih theihna project hrang hrang chhawpchhuah theih turte an sawiho.
Sorkar thuchhuah tarlan danin, NEGIS 2023-ah hian India ram chhung leh pawnah India hmarchhaka investment nasa zawk a luh theih nan roadshow neih a ni dawn a; ṭhukhawm chuan Mizorama project chhawpchhuah tur atan tourism, skill (nursing, hospitality, garment making, entertainment etc.), sports, tourism, food processing, education, etc. te an sawiho a ni.
NEGIS roadshow leh pre-summit hi May 29, 2023 aṭangin Mumbai, Dhaka, Hyderabad, Kolkata-ah te neiin, August 19, 2023-ah New Delhi-ah Ambassador Meet neih tura ruahman a ni a, hengahte hian state-te'n investor-te hnenah state chhunga investment ti tura theihna awm hrang hrangte entirin an sawifiah dawn a ni.