Mizoram hi khawchhak lama India kawt­chhuah a la ni thuai dawn - External Affairs Minister

Sorkar laipuia minister of state for External Affairs & Culture Meenakshi Lekhi-i chu nimin khan zan hnih riak turin Lengpui a lo thleng a, Art & Culture minister R Lalzirliana leh sorkar hotu dangten an lo hmuak a; nimin tlaiah khan Governor Dr Hari Babu Kambhampati nen Raj Bhavan-ah an inkawm.

Sorkar hotulute in­kawm­naah hian Minis­try of External Affairs hmalakna huanga Mi­zo­ram tana thil pawi­mawhte an sawi a; Union MoS chuan Mizoram chu khawchhak lama India kawtchhuah a la nih thuai dawn avangin ngaih pawimawh a nih thu leh hmasawnna ruhrel pawimawh turte pawh la siam belh a ngai dawn nia a hriat thu Larsap a hrilh.

Union Minister hian nimin tlai khan State Museum a tlawh a; Art & Culture Minister chuan nizan khan Chaltlang Tourist Lodge-ah Cultural Programme leh zanriah a buatsaih sak. Vawiin hian Mamit district-a tlawh ang.