Raltlante tan nuai 3 hlan

Hope for Tomorrow, Indianapolis, USA leh Dawthnin Thang te chhungkua chuan nimin khan chief minister Zoramthanga hnenah Manipur buaina avanga Zo hnahthlak harsatna tawk Mizorama rawn raltlante puihna atan Rs 3,00,000 an hlan.

Ṭanpuina petute hian Myanmar buai avanga Mizorama sahimna zawngte zinga Champhaia raltlan naupangte tan primary school din tura hmalaa Mizoram rawn kal an nih thu Chief Minister an hrilh a, "Hetihrual hian, Manipur buaina avanga harsatna tawkte chu kawng eng emaw tala puih ṭul nia kan hriat avangin kan theih ang ang kan thawhkhawm a ni," an ti.