Cheng vbc. 12 chuang hu CID-te'n heroin an man

CID (SB) chuan nimin zing dar 6 khan Zemabawka khualzinte ṭawngṭaina hmunah heroin kg. 2.46, international market-a cheng vbc. 12 chuang man hu an man.

CID-te hian an thudawn bawhzuiin truck pakhat (Ashok Leyland) MZ/01 X - 2184 chu lo ti dingin, heroin hi an man a ni. Lirthei leh a handyman (kum tling lo), Hailakandi, Assam lam mi chu Bawngkawn PS-ah hlanin, NDPS Act hnuaiah thubuai ziahluh a ni.

Heroin man kaihhnawih chungchanga midang inrawlh awm theite chu Bawngkawn PS-te hian an chhuizui dawn.