BJP lakah inven thiam hle a ngai - Mizoram AAP President

Mizoraram AAP chuan nimin khan an pisa-ah chhung inkhawm hmangin, thusawitu an president Andrew Lalremkima chuan BJP chu Kristiante tan an hlauhawm hle niin a sawi a, "Anni lakah hian kan inven thiam hle a ngai a ni," a ti.

Andrew Lalremkima chuan, BJP hian fing takin mi hnuaihnung zawk leh rethei zawka an ngaihah politics an khel tih a sawi a, "Kumin inthlannaah pawh hian sorkarna siam theitute zingah rawn tel ngei an tum dawn a, kan ram leh hnam tan hei hi a ṭha dawn lo hle a ni. BJP in hmalak an tum dan hi kan lo zir thiam a ngai hle," a ti a, Mizoram mipui an fimkhur hle a ngaih dawn thu a sawi.

Party dangten BJP thawhpui an hreh loh thu leh Central BJP hmanga hmasawnna an neih tur thute an sawi chu rilru nat thlak an ti hle tih sawiin AAP President chuan, "Keini chuan BJP hi kan thawhpui ngai dawn lo a, Mizoramin BJP tel loin hma kan sawn thei. Pathian chakna ring zawkin hma pawh kan sawn bawk ang," a ti.