Plastic ṭawih ral thei chi sorkar pawmpui a la awm lo

Sorkar laipuia Ministry of Environment, Forests & Climate Change chuan plastic/ polythene bag ṭawih thei hman leh zawrh chungchangah thuchhuah a siam a; India ramah plastic ṭawih ral thei chi sorkar pawmpui a la awm loh thu a tarlang.

MoEFCC chuan, Central Pollution Control Board (CPCB) pawmpuina tel lo plastic ip ṭawih thei bakah, plastic tawih thei ni-a sawi - bio-compostable, oxo-degradable, oxo-biodegradable leh a anpui chi reng reng siam chhuah/ zawrh/ hman leh lâkluh khap a nih thu a tarlang a, "Tun dinhmunah India ramah hetiang ang plastic ṭawih ral thei chi hi pawm a la awm loh avangin CPCB pawmpuina tel loa ‘plastic ṭawih thei’ ti-a zawrh hi Plastic Waste Management Rules kalh a ni a, dan hmanga hrem theih a ni," a ti.