Meth leh kuhva rah man

Assam Rifles sipaite leh Mizoram Police Special Narcotics Police Station-a mite chuan nimin khan Ch. Chhunga Bus Ter­minal, Ṭhuampuiah me­thamphetamine mum 1,00,000 an man a, Rs 33,33,00,000 hu a ni. Meth neitua puh Zothanmawia (32) s/o Zaithanpuia, Zokhawthar nia insawi an man bawk.

Assam Rifles sipaite chuan May 22, Thawh­ṭanni khan Cham­phai Zotlangah Myanmar aṭanga dan loa lak luh nia hriat kuhva rah ip 126 (kg. 6,540 vel) an man bawk a, Rs 45,78,000 vel hu a ni. Kuhva rah an mante chu Champhaia Customs department hnenah an hlan.