Mizoramah badminton hlawhtlinpui thei ṭhalai beiseiawm tak tak an tam - Governor

Governor Dr Hari Babu Kambhampati leh India National Badminton team chief national coach Pullela Gopichand chu May 22. Thawhṭanni zan khan Raj Bhavan-ah an inkawm a, Mizorama badminton hmasawnna tur an sawidun.

Governor Dr Hari Babu Kambhampati chuan, Mizoramah badminton hlawhtlinpui thei ṭhalai beiseiawm tak tak an tam thu a sawi a, "Mizo ṭhalaite'n India ramah football huangah hlawhtlinna duhawm tak an chang mek a, badminton huangah pawh hian kaihhruaina ṭha an hmuh theih chuan hlawhtlinna lian tham tak tak chang turin theihna an nei a ni," a ti.

Pullela Gopichand chuan Mizorama a cham chhungin badminton player-te tihhmasawn dan tur official, coach leh player-te a sawipui dawn tih a sawi.