MLA-in beng entirna a buatsaih

Aizawl West-III bialtu MLA VL Zaithanzama chuan a bial chhunga ri hriatna lama harsatna neite tan nimin khan Maubawk MUP Hall-ah beng entirna a buatsaih a; West-III chhunga veng pakua aṭangin mi 120 an inentir a, an mamawh dan angin bengdar pek tum an ni.

VL Zaithanzama chuan, kum lama upate'n bengah harsatna an tawk zual bik ṭhin tih sawiin, "Beng a ṭhat loh chuan nunphung pangngaia nun a har ṭhin. Tun ṭum hi bial huapa hearing aid clinic kan buat­saih ṭum hnihna a ni a, MLA fund hi mipui hnenah a ṭha thei ang bera a thlen a, ṭanpui ngaite ṭanpui leh development work pawh a chak thei ang bera kalpui hi MLA hna pui a ni ber a, chumi tihhlawhtlin chu ka bat a nih avangin party thliar lo a, mamawhtute hnen thlenpui hi ka duh ber a ni," a ti.