MIMA-in Labour Law hman an duh lo

Mizoram Merchant Association (MIMA) chuan thuchhuah siamin, Mizoramah Labour Law hman an duh loh thu leh Mizo hnam kal zel turah pawh hman ṭha an tih loh thu an tarlang.

MIMA chuan, sorkar kal tawhte'n Labour Law chungchangah MIMA ngaih­dan an la ṭhin a, tun thlengin hman a la ni lo tih an tarlang a, "State dangah pawh proprietorship angah chuan hmang an la awm lo a, factory lian, insurance company, private bank, private hospital lianahte chauh hman a ni a, heng hmannaahte pawh hian hrehawm an ti hle ṭhina hriat a ni," an ti.

Tun hnaiah Council of Minister meeting-ah Shops and Establishment Acts leh Minimum Wages hman chungchangah LESDE department-in ruahmanna an siam chu ngaihtuah a nia an hriat thu sawiin MIMA chuan, "Hei hi Labour Law chiah a ni. Ngun taka ngaihtuahin sumdawnna kawngah kan hnam kal zel tur ngaihtuaha ti lo turin sorkar kan ngen a ni," an ti a; hnam upa zawk leh sumdawnna kalpui hmasa zawkte pawhin proprietorship-ah an hmang lo niin an sawi.