India khua leh tui tan India ram chhung khawi hmunah pawh ration a lak theih

India sorkarin state tin hnena One Nation One Ration Card (ONORC) programme kalpui tura thu a pek bawhzuiin Food, Civil Supplies & Consumer Affairs (FCSCA) department chuan Mizoram chhunga buhfai semtu (retailer)-te chu India khua leh tui raltlan zinga ration buhfai la turte hnar lo turin a hriattir.

FCSCA chuan, Ministry of Consumer Affairs, Food & Public Distribution, Department of Food & Public Distribution thuchhuak angin ONORC programme hnuaiah migrant NFSA beneficiaries (AAY & PHH)-te'n India ram khawi hmunah pawh an ration buhfai an la theitawh tih a tarlang a; hemi atan hian FPS Dealears (retailer)-te'n buhfai an mamawh belh a nih chuan an ePoS device hmangin an mamawh belh zat an thlen tur a ni, a ti.

ONORC hnuaia ration lak (transaction) hi sorkar laipui chuan a tam thei ang ber nei turin state tinte a nawr nasa hle tih tarlangin FCSCA chuan, "Hetiang a lo nih tak avang hian tuna kan ram ṭhenawma kan unau, Mizorama rawn raltlante pawh an ration quota pangngai chán loin an bulhnai fair price shop (retailer)-ah an la thei a. Hei hi retailer-te'n an lo hnar tur a ni loa, an ration card an lo dil kher tur a ni lo bawk," a ti a; beneficiary-te'n an ration card number emaw aadhaar number an hriat chuan a tawk mai tih a tarlang.