Zirlaibuah hnam ziarang telh duh

Mizo Zirlai Pawl (MZP) Federal Council Sitting chu nimin khan Mualhawih Huan, Sakawrtuichhunah an nei a, Mizo hnam hrang hrang zia rang zirlaibua telh an duh.

Ṭhutkhawmna kaihruaitu MZP president Lalnunmawia Pautu chuan, MZP chu an hruaitu hmasate aṭangin ram leh hnam hmangaih tura inzirtir leh engkima ram leh hnam dah hmasa tura beisei an nih thu a sawi a, "Ramin min mamawhna zawnah ke i pen zel ang u," a ti.

MZP Federal Council Sitting-ah hian MZP headquarters, sub headquarters, branch, hnampual leh college SU aiawhte an tel a, MZP Assembly 2023 a rel turte an ngaihtuah nghal bawk.

Meeting-a an thu pawmte
# Mizo hnam hrang hrang hnam ziarang humhim leh, kan inhriatpawh lehzual theih nan zirlaibua telh turin MZP-in hmalak ni rawh se.

# Kum 2024-ah ZOFEST buatsaih leh ni rawh se.