Hlawh pûk rûl dawn

Finance department chuan nimin khan office memorandum ti chhuakin, sorkarin a hnathawkte hlawh June leh July a puk sak chu August aṭangin  rulh ṭan a nih dawn thu an tarlang.

Finance department tarlan danin, hlawh puk a pawisa-a rulh duhte chu June hlawh August-ah rulh an ni ang a, July hlawh chu September-ah rulh an ni thung ang. Hlawh puksak GPF-a dah duhte chu August-ah June leh July hlawh puk a hlawma dah sak an ni dawn.

Tarlan tawh angin Council of Minister chuan Covid-19 vangin sorkar hnathawk hlawh hi June, July leh August puk sak a remti a, mahse August aṭangin puk a ni dawn tawh lo.