Zirtirtute'n khawmpui an hmang

Mizoram Teachers Federation (MTF) chuan nimin khan Chanmari YMA Hall-ah general conference an hmang a, Education secretary Lalzirmawia Chhawngte-in a hmanpui.

Education Secretary chuan zirtirtu hna pawimawh ber chu zirtir a nih thu sawiin, "Zirtirtu chuan eng ang pawhin lo in ngai se, ram, veng leh khawtlang chuan zirtirna pe a, ram siamṭha turin zirtirtute chu kan beisei tlat. Kan zirlai naupangte hi kan mawhphurhna a nih angin, an hlawhtlin leh hlawhchham ah zirtirtuten mahni mawhphurhnaa kan dah ngam a ngai," a ti.

MTF khawmpui hi an vice president Laltlanliana'n kaihruaiin, chawhnu lamah ro an rel bakah hruaitu thar an thlang.

MTF hi Federation of Mizoram Govt. School Teacher (FMGST) tih a ni ṭhin a, a huang zauhin, Education dept. hnuai aṭanga hlawh la zawng zawngte tel theihna turin MTF tiin thlak a lo ni ta a ni. Khawmpuiah hian MTF hnuaia association hrang hrang aiawh mi 20 ṭheuh an tel.