Kalphung thara kal a ngai - ZPM Corporator

27th May, 2023

ZPM party chuan nimin khan an pisaah political session an nei a, AMC Ward-III corporator C Lalchhandami'n thu sawiin, ram siamṭha turin hruaitu ṭha neih leh kalphung thara kal a ngaih thu a sawi.

C Lalchhandami chuan, "Ram hruaitu ṭha chu ram leh hnamin a mamawh dik tak hriaa thawk chhuak thei tura theihna nei hi a ni a, kum 35 state kan nih hnu pawha kawng hrang hranga kan la intodelh lohzia aṭang hian kan ram hruaitu mai bakah a ram mipui hian a mawh kan phur a ni,” a ti.

Siamṭhat hna thawk turin Mizoramin hruaitu ṭha neih leh kalphung thar a mamawh thu sawiin C Lalchhandami chuan, "Mipui pawh kan taimak tel a pawimawh," a ti a; Mizoram ṭhalaite an harh mek thu leh hmeichhiate chu ram leh hnam goal vengtu an nih thu a sawi.