HSSLC 2020 result dik loa mawhphurtute hrem phût

Mizo Zirlai Pawl chuan, MBSE hnuaia kumina Higher Secondary School Leaving Cer­tificate (HSSLC) exam result chhuakah thil dik lo leh fel lo tam tak hmuh chhuah zel a ni tih a tarlang a; thil tidik lotute zawng chhuak a, a rang thei ang bera hrem turin Mizoram sorkar an phût.

MZP chuan, HSSLC 2020 result-a thil dik lo tam tak awm chuan exam buaipuitute inthlahdahzia a tilang tih sawiin, "Result tihdik loh vanga zirlai tam tak rilru ná hi a pawi tak zet. Tun thlenga result siam ṭhat ngai a la awm leh, HSSLC topper ni thei hial khawp hmuh chhuah an ni leh ta hi thawktute inthlahdah vang liau liauah kan ngai," an ti. Zirlaite rilru náa siamtu leh thil tidik lotute Mizoram sorkarin a hrem vat loh chuan MZP-in a ṭul anga hma an lâk dawn thu an tarlang a ni.