Pawl 9-in thisen unit 357 an pe

May 27, Inrinni khan pawl pakuain thisen unit 357 an pe. KṬP, Nursery Bialin ZMC tan pein, mipa 35 leh hmeichhia 29-in unit 64 an pe a; KṬP, Tui­kual Branch-in Synod Hospi­tal tan unit 60 pein, petute mipa 50 leh hmeichhia 10 an ni.

Civil Hospital, Aizawl tan City PYD (UPC-NEI)-in unit 71 pein, petute mipa 64 leh hmeichhia pasarih an ni a; Salvation Army Youth Central South Division member mipa 26 leh hmeichhia pasarihte'n unit 33 an pe. Catholic Ṭhalai Pawlin unit 18 pein, petute mipa 16 leh hmeichhia pahnih an ni. Mimala a thlawna pe mi panga an awm bawk.

ṬKP, Bungtlang Bialin Serchhip District Hospital tan unit 53 pein, petute mipa 39 leh hmeichhia 14 an ni a; ṬKP, Peniel unit leh Kanaan unit ten Lawngtlai District Hospital tan unit 20 an pe a, petute mipa 18 leh hmeichhia pahnih an ni. ṬKP, Hnahthial North Bial member mipa 23 leh hmeichhia 15-te pawhin Lunglei Civil Hospital tan unit 38 an pe bawk.