Cangress party-in Street Campaign 2023 an ṭan
Congress ṭhalai head-quarters chuan Mizoram Pradesh Congress Committee (MPCC) Campaign Committee ruahmanna angin May 27, Inrinni zing khan Aizawl Tennis Court bulah 'Ṭhat loh theih lohna sorkar ṭha, kalphung dik nei tura beihpui thlakna Street Campaign 2023' an ṭan.
Street Campaign hmanpuitu MPCC treasurer Dr Lalmalsawma Nghaka chuan, Congress party-in Ṭang Puihna policy hmangin mellung thar an nei dawn tih a sawi a, "Kan ti ang kan tih chu ti hlawhtling ṭhin kan ni a, dikna leh rinawmna hmanga kan ram tungding leh turin Congress party chuan kum 2023 inthlanpuiah hnehna kan chang ngei dawn. Remna leh muanna a thlen theih nana Chief Minister nihna kiantu party chu Mizo mipuite tana ding tlat a ni ṭhin," a ti.
MPCC secretary Ro-siamngheta, AMC cor-porator pawhin thusawiin, "Politics-ah chanchin hmasa zirchian a ṭul hle. Party dang lo sutkuak tawhte leh kan ram tana nasa taka an lo thawhte sawichhiaa lal ṭhutthleng luah tum chu a malsawm ngai lo," a ti a; kut hnathawktu mai ni lo, an thawhchhuah leitu mipuite thlengin Ṭang Puihna hmanga dawm kan an tum tih a sawi.
Congress Mahila president Vanlalawmpuii Chawngthu chuan Congress party chu hmeichhiate dinhmun chawisanna kawngah sulsutu a nih ṭhin thu a sawi a; hmeichhiate dikna chanvo ngaihthah lotu leh humhalhtu party chu chawisang let ve turin Mizo hmeichhiate a chah.