Aizawlah mi 562-in CSE an exam

Nimin khan India ram pumah Union Public Service Commission-in Civil Services Examination (CSE) 2023 a buatsaih a, Aizawl Centre-ah pawh exam buatsaih niin, mi 562-in exam an hmachhawn.

Aizawl Centre-a CSE buaipuitu Mizoram Public Service Commission (MPSC) hotute hnen aṭanga thu dawn danin, CSE hi Mizo High School, Mizo Higher Secondary School leh Hrangbana College-ahte buatsaih a ni a, Mizo HS hi Lamka, Manipur lam aṭanga exam centre sawnte exam-na bik atan hman a ni.

Aizawl Centre-a exam hmachhawn tura ngaih chu mi 857 an ni a, mahse, mi 562-in exam hmachhawnin, mi 295 an inlan lo. Exam hmachhawntu mi 562 zinga mi 410 chu Mizoram chhunga mite an ni a, mi 142 chu Manipur tualchhung buaina avanga exam centre thlak, Manipur aṭanga Mizorama exam hmachhawnte an ni. Mi 562 zinga mi 115 chu vohbik (persons with disabilities) an ni bawk.

Exam hmachhawntu mi 562 zingah hian chawhnu lama exam zui ta lo eng emaw zat an awm a ni.