Mizoram sorkarin OMB hmangin Cheng vbc. 125 a pûk leh dawn
Mizoram sorkar chuan open market borrowing (OMB) hmangin loan cheng vbc. 125 a pûk leh dawn.
Vanglaini thu dawn danin, Mizoram sorkarin OMB hmanga sum a pûkna tura tih tur ṭulte chu Reserve Bank of India (RBI)-in a buaipui a; RBI chuan OMB hmanga Mizoram sorkarin sum pûk tur a zawn thu May 26, 2023 khan a tarlang.
OMB hmanga sum pûk a nih theih nan RBI-in state sorkar tan sum pûktir thei tur a zawng a, financial institution-te'n an chháng ṭhin. Mizoram sorkar sum pûk tur chháng duh tan RBI chuan May 30 thleng chhànna hun a hawng.
OMB hmanga sum pûk chu kum khatah a pung vawi hnih rulh tur a ni a, kum 10-15 velah sum pûk zawng zawng rulh a ngai a; a punna chu 7-8% vel a ni.
Hriat theih chinah, Mizoram sorkar hian sorkar kum liamta, 2022-2023 khan OMB hmang hian cheng vbc. 1,315 a pûk a, kumin sorkar kumah chuan tun ṭum hi a vawi khat pûkna tur a ni.