A fanu pawngsualtuin thiam loh a chang
A fanu ṭum eng emaw zat pawngsual a, ràitu chu nimin khan Special Judge (POCSO Act) Vanlalenmawia'n thiam loh a chantir a, naktukah a hremna tur puan a ni ang.
Special Judge-in thiam loh a chantir tâk hian August 5, 2013 khan a fanu kum 14 mi chu ramhnuaia thing an phurhnaah a pawngsual a, a hnuah pawh a pawngsual chhunzawm ṭhin. September 2015 khan pawngsual tawktu hian a pa fa a hring.
A pa hian kum 2018 thleng khan a fanu hi a pawngsual ṭhin a, a pawngsual hnuhnun ber chu August 2018 nia hriat a ni. November 22, 2018 khan a nuin Saitual Police Station-ah FIR a thehlut a, police-in an man.
Pawngsualtu hi Central Jail-ah a tang mek a, Special Judge chuan bail-a chhuah phal loin, a hremna naktuka puan a nih hnuah a awm zel dan tur a hriat ang.