PUC-ah international conference buatsaih a ni

Pachhunga University College-a Department of Psychology chuan tun hnai khan PUC-ah 2-Day International Conference on Health Psychology and Allied Sciences an buatsaih a, PUC principal Prof. H Lalthanzara'n a hawng.

International conference-ah hian convener Dr Saichampuii Sailo; Monash University, Malaysia senior lecturer Dr Lalthanzami; Psych Desk Foundation, Nepal CEO Dr Narendra Singh Thagunna; University of Hyderabad-a Centre for Health Psychology director Prof. Meena Hariharan; Presidency College, Tamil Nadu-a School of Social Sciences HoD Dr MV Sudhakaran leh Mental Health Mizoram state nodal officer Dr Robert Khawlhringte'n thupui thlan bik hmangin thu an sawi a ni. India ram chhung leh pawn aṭangin mithiam leh zirmite'n an thil zirchhuah aṭanga mihring rilru leh taksa ven pawimawhnate an sawi bawk.