TikTok-in live concert a buatsaih dawn

Chinese company video-sharing social net­working service, Tik­Tok chuan May 25-ah online concert a buatsaih dawn.

South Korea khawpui, Seoul aṭangin  live concert hi neih tum a ni a, he live show neih tur hi 'TikTok Stage Live from Seoul' tih a ni. He hunah hian K-pop artist-te kan hmu dawn a, he show hi khawvel mipuiten beiseina thar an neih theih nan leh Covid-19 dona kawnga ṭanpuina an thawh ve theih nana buatsaih a ni.

TikTok-in online con­cert a buahsaih tur hi TikTok apps download-a account nei ten an view thei dawn a, May 25 tlai 5-ah live show hi neih ṭan tum a ni. He live show neih turah hian TikTok chuan A Pink, MONSTA X, iKON, Oh My Girl, AKMU leh rising stars KARD, Kang Daniel, CIX, leh CRAVITY band an inlan dawn thu a tarlang tawh.