MYA-in raltlante ṭanpuina tur Central YMA hnenah an hlan

Molsom Youth Association (MYA) Head­quarters, Tripura chuan nimin khan Manipur tualchhung buaina avanga Mizo­rama rawn raltlan Zo hnahthlakte ṭanpuina turin Central YMA hruaitute hnenah Rs 80,000 an hlan.

MYA hruaitute nen an inkawmnaah CYMA president R Lalngheta chuan, Zo hnahthlakte chu khawi hmunah pawh awm se an in unauna a bo lo tih a lang chiang zel tih sawiin, "Ṭanpuina kan pe tam thei emaw thei lo emaw, unau kan nihna kan tih lan zel hi a hlu a ni. Kan unauten khawi hmuna pawh harsatna an neih chuan CYMA chuan an tan ke kan pen zel ang," a ti

MYA-te hi Tripura-a awm an ni a, Manipur tualchhung buai avangin an unau Zofaten harsatna an tawk tih an hriatin ṭanpui­na turin vehbur an khawn.

MYA, Tripura hruai­tute hi anmahni an lo kal theih loh avangin an aiawhin Aizawla an welfare hruai­tuten ṭan­puina hi CYMA hruai­tute hnenah an hlan a ni.