Larsapin chanchinbu chhuahtute a kawm

Governor Dr Hari Babu Kambhampati chuan nimin khan Raj Bhavan-ah tualchhung chanchinbu chhuahtu ṭhenkhatte a kawm a, Mizoram hmasawnna atan media-ten hna pawimawh tak an thawk nia a hriat thu sawiin, theihtawp chhuah zel turin a chah.

Dr Hari Babu Kam­bham­pati chuan, print media publisher-te chu Mizoram hmasawnna atana pawimawh leh thil ṭul deuh nia a hriatte a sawipui.

Larsap hna pawimawh ber chu Mizoram sorkar leh sorkar laipui inkara thawk palai, sorkar laipuia nawr ṭul apiang nawr a, state mamawh state official-ten an thehluhte umzui bakah, a ṭul anga state tana theihtawp chhuah a nih thu a sawi.

Mizoramah hmasawnna atan media-te'n hna pawimawh tak an thawk nia a hriat thu sawiin Larsap chuan, theihtawp chhuah chhunzawm turin a chah.

Governor leh print media pub­lisher-te hian kawlphetha siam chhuah, kawngpui, skill deve­lopment, bank leh loan kaihhnawih, central welfare leh security scheme-te mipui nawlpuiin an hmelhriat theih dan turte an sawiho nghal a ni.