Sorkar sum dinhmun ṭhat loh avangin Treasury-in bill an release mumal thei lo

Mizoram sorkar sum dinhmun ṭhat loh avangin Treasury-te chuan hun eng emaw chen bill an pe chhuak (release) mumal thei tawh lo.

Vanglaini thudawn danin, Treasury-te hian kar khat vel chu bill an pe chhuak tawh lo. IFMIS fel loh avanga la pek lohte erawh chu tihfel ngaite tihfel an nih rualin pek zel an ni thung

Treasury-te hian bill pe chhuak tawh rih lo mah se, medical kaihhnawih thil emer­gen­cy deuha mamawhte erawh pek chhuah ṭhin a ni.

Tun dinhmunah chuan sorkar hnathawkte May, 2023 hlawh pek chhuah hun tur hriat theih a ni rih lo a; tun hnai maiah chuan pek chhuah theih beisei a ni lo.

Hetihlai hian tarlan tawh angin, Mizoram sorkar chuan open mar­ket borrowing (OMB) hmangin loan cheng vbc. 125 a pûk leh dawn. Hei hi tihfel a ni dawn hnai nia hriat a ni.