Electoral roll aṭangin Bru 4,083 paih tawh

Chief election officer (CEO) Madhup Vyas chuan, Tripura-a awm Bru mi 4,083 chu Mizoram Electoral Roll aṭangin paih an nih tawh thu leh, June 15, 2023 ral hma ngeia Tripura-a awm Bru zinga Mizoram Electoral Roll-a la chuangte paih an nih theih nan hma la turin Mamit, Kolasib leh Lungleia district election officer-te a hriattir tawh thu a sawi.

CEO Madhup Vyas hi a pisaah nimin khan Central YMA hruaitute'n an hmu a; January 16, 2020-a sorkar laipui, Mizoram sorkar leh Tripura sorkarte'n inremna an siam anga Mizoram aṭanga Tripura-a mahni duh thu ngeia pêm Bru-te Mizoram Electoral Roll aṭanga paih chungchang an sawipui a ni.

Madhup Vyas chuan, June 15, 2023 ral hma ngeia Tripura-a awm Bru zinga Mizoram Electoral Roll-a la chuangte paih an nih theih nan hma la turin Mamit, Kolasib leh Lungleia district election officer-te a hriattir tawh thu CYMA hruaitute a lo hrilh.

Mizoram CEO chuan, Mizoram Electoral Roll aṭangin Tripura-a awm Bru voter 4,083 paih an nih tawh thu leh la paih lohte pawh June 15, 2023 hma ngeia chinfel a nih tur thu a sawi bawk.