Dr Lal Thanhawla Award hlân

National Students' Union of India (NSUI), Mizoram chuan nimin khan Congress Bhavan-a Golden Hall-ah kumin HSSLC result chhuaka stream tina pakhatna ṭheuhte leh HSLC topper pahnihte hnenah Dr Lal Thanhawla Award an hlân.

Award hlanna inkhawmah MLA C Ngunlianchunga leh Congress party hruaitu dangte an tel. NSUI, Mizoram hian zirlai parukte chu chawimawina thuchei leh Rs. 20,000 ṭheuh an pe a, Mizoram Rural Bank-ah account hawnsakin, pawisa chu an dahsak a ni. C Ngunlianchunga'n lawmpuina pawisa a hlan bawk.