Plastic bawlhhlawh thian faiin hnatlâng

Mizoram Pollution Control Board leh Lawngtlai District Education Officer (DEO) office chuan nimin zing khan Lawngtlaiah faina hnatlang an huaihawt a, zirlaite'n plastic bawlh-hlawh an thian fai.

Hnatlângah hian zirlai 60 chuang an thawk chhuak a, Lawngtlai Areopagi aṭanga ṭanin, hlawm hrang hrangah an inṭhen a, Lawngtlai khaw chhûnga hmun lûn laia plastic bawlhhlawhte an chhar khâwm a ni.

Hnatlangte chu intâwk khâwm lehin, plastic bawlhhlawh chungchanga zirlaite hriat tur pawimawhte an inzirtir a; environment tichhe lo tur leh humhim tura thutiam an sawi rual bawk.

Hnatlâng hi sorkar laipuia Mission LiFE programme hnuaia kalpui a ni a, June 5, 2023-a World Environment Day lawmna chi khat atana tih a ni.