Heroin, kuhva, meizial leh beer man

Assam Rifles leh Mizoram Police CID (Crime) hnuaia Special Narcotics Police Station mite chuan May 29, Thawh­ṭanni khan Repub­lic Vengthlangah Rs 1,53,00,000 hù heroin gram 306 an man a, a neitua puh Khawlliansiami (26) d/o Thangngaihpauva, Hnahlan leh Lal­hma­ngaihsangi (28) d/o Laldintluanga, Hnahlan nia inchhálte an man bawk.

Assam Rifles-te hian May 29 vêk khan Champhai Chhungteah Myanmar aṭanga dan loa lak luh kuhva rah ip 131 an man a, Zokhawthar leiah Myanmar aṭanga dan loa lak luh beer báwm 20 leh meizial báwmpui 10 an man bawk a; a vaiin Rs 68,74,000 hù a ni.