Tribal Art & Craft, Young Artists’ Sustainable Development

31st May, 2023

Ministry of Tribal Affairs leh Social Welfare & Tribal Affairs (SWTA) department buatsaih Tribal Art & Craft, Young Artists’ Sustainable Development chu May 29, Thawhṭanni khan Aizawl Art Gallery-ah SWTA joint director C Zodinpuii'n a hawng.

C Zodinpuii chuan, Ministry of Tribal Affairs-in tribal-te Art & Craft tih hmasawn leh humhalh te, ṭhalaiten an tuina hmanga eizawnna an neihte a ngai pawimawh tih sawiin, "Chumi avang chuan he programme pawh hi min rawn pe a ni. Hnam tin-in art kalpui dan kan nei vek a, hmasawn zawnga kalpui zel turin ṭhalaite hian mawh kan phur a, kan hmazawnah ṭheuh kan mawhphurhna i hlen chhuak ang u," a ti a; he huna tel turte hnenah lemziahna hmanrua a sem nghal a ni.

Tribal Art & Craft, Young Artists’ Sustainable Development hi thla khat chhung awh tur a ni a; category hrang hranga a ti ṭha thlan chhuahte hnenah award leh trophy hlan a ni ang.