Manipur raltlante chhawmdawl turin sorkar laipui a inhawng - Union Minister
Union minister of state for Minority Affairs John Barla chuan nimin khan Mizoram BJP pisaah India rama BJP-in kum 9 chhung sorkarna an chan chhunga hma an lak tawhna chungchangah thuthar thehdarhtute a kawm a; state sorkar aṭanga report an dawn chuan Manipur raltlan chhawmdawl ngaite chhawmdawl turin sorkar laipui a inhawn reng thu a sawi.
Union MoS John Barla chuan thuthar thehdarhtute zawhna chhangin, sorkar laipuiin Manipur raltlante hnenah chhawmdawlna a pek mek thu a sawi a, "Mizoram chhunga Manipur raltlante chu eng zat nge an niha, khawiah nge an awm tih sorkar laipuiin a ngaihven reng a, chhawmdawlna pek a duh a ni," a ti a; Union Home minister Amit Shah-a'n raltlan chhawmdawl ngaite chu state sorkarin a rang lamin sorkar laipuiah a thlen phawt chuan chhawmdawlna pek loh an nei dawn lo tih a sawi niin a tarlang.
He hunah hian John Barla chuan, BJP-in India rama kum 9 chhung sorkarna an chan chhunga hmasawnna an thlen hrang hrang a tarlang a; India sorkar chuan hmarchhak state-te tihhmasawn nan nasa taka hma a lak thu leh hmarchhak chu India ram ṭhanna hmun - new growth engine of new India niin a sawi bawk.