Kolasib DC-in sarep, sava leh sakhi hal ral
Kolasib district bawrhsap John LT Sanga chuan nimin khan Conservator of Forest, Northern Circle, Kolasib pisa tualah kum 2022-23 chhunga Wildlife Protection Act 1972 hnuaia ramsa leh sava humhalh zinga sa kah leh a sa zawrh mante a hal ral.
John LT Sanga chuan, khua leh tui ṭha ni tur chuan dan ngaih pawimawh leh zawm a ṭul thu a sawi a, "Khawvel sik leh sa inthlak danglamna thleng mek karah kan ram leilung hausakna humhalh kawnga ṭhanharh a ṭul takzet. Kan chenna ram timawi zualtu ngaw leh a chhunga cheng ramsa leh savate hlut thiam a ngai," a ti a, leilung hausakna humhalh chu mi tin mawhphurhna a nih thu a sawi.
He hunah hian sarep tlang/ hrang 480, sava 55 leh sakhi pakhat hal ral a ni. Heng ramsa leh sava sa kah leh zawrhah hian a mawhphurtute hrem an nih thu hal ralna hunah hian tarlan a ni.