Dik taka sumdawnna kalpui turin CYMA-in Mizo mipuite an ngen

Central YMA chuan thuchhuah siamin, tunhnaia Aizawl khawpui chhunga dawr - iron rod, cement, balu leh brick zawrhna hnamdangte nena dan loa inzawmna neia hawn nia hriatte chungchanga an hmalakna chu ram leh hnam tana thil pawimawh tak a ni tih hria a, thlawp tlattu Mizo mipuite chungah lawmthu an sawi a; sumdawnna dang pawh dik taka kalpui turin Mizo mipuite an ngen.

CYMA chuan Benami Transaction (Prohibition) Act 2016 tlawhchhanin Mizo dawr, dan loa hnam dang mite thurualpui nia hriatte khar tura an ngen thu tarlangin, "Mizo dawrte hi dan anga kalpui zui a nih leh nih loh chu CYMA leh Branch YMA ten an vil zui zel dâwn a ni," an ti.

Dan anga an kalpui ngei tawh tur thu an intiam avanga hawntir leh takte list an tarlang.