Assam Rifles an la insawn loh chhan sawifiah turin ZPM Ṭhalaiin sorkar an phût
ZPM Ṭhalai chuan thuchhuah siamin, Zokhawsanga Assam Rifles an la insawn luh loh chhan sawifiah turin sorkar an phût thu an tarlang a, "An tlin duh luatah MNF-in dawt politics an hma theh hreh lo," an ti.
RTI hmanga an zawhna chhan a nih danin, Zokhawsâng-a Assam Rifles-te an insawn luhna tura Mizoram sorkarin a tih tur ang ang a ti zo vek tawh tih tarlangin, "LMC inthlan dawna Revenue minister Pu Lalruatkima'n AR-te a battalion pum huapa an atta nuaina leh kelsa kanna bêl nen lama Zokhawsânga insuan anga mipui hmaa a sawi hnuah, vawiin thlenga Zokhawsâng-a an la insawn lut lo hi kan hrethiam lo. Aizawl khawpui aṭanga AR sawn chhuah hi MNF sorkâr hian politics khelhna atân chauh em ni a hman," tiin zawhna an siam.
ZPM Ṭhalai chuan Assam Rifles thuneitute hnen aṭangin Mizoram sorkarin Zokhawsang AR complex-a a hnathawh a chhiat thu an dawng tih tarlangin, "Hengte hi Mizoram sorkârin sawifiah a, building luah tlâk lohte pawh a awm tak tak em tih sawifiah ngei turin
kan phût.MNF Minister leh party hruaitu hraw tak takin LMC inthlan laia AR-te Zokhawsâng-a insawn lut tawh anga an sawi hi mipuite zah lohna lian takah kan ngai," an ti.