MUP member-te'n hmun pawimawh tlawh

Tourism minister Robert Romawia Royte hmalaknain MUP, Kawrthah Area member mi 36-te chuan May 30-31, 2023 chhung khan Aizawl leh a chhehvela hmun pawimawhte an tlawh.

Kawrthah area MUP member-te hian May 30, 2023 khan Lengpui Airport an tlawh a; chumi hnuah Gauhati High Court, Aizawl Bench building thar an tlawh. Tourism minister Robert Romawia Royte chu a pisa leh a inah an tlawh bawk a, Minister hian hrûkpuan a pek vek bakah, Chaltlanga Tourist Lodge-ah zanriah a kîlpui a ni.

Nimin khan chief minister Zoram­thanga chu a chenna inah an tlawh a, thangchhuah diar leh tawlhloh puan an hlan.

Aizawl Theological College, Assembly House leh Aizawl Sahuan an tlawh bawk.