Zirlai kal chhuak turte thlah

Govt. T Romana College chuan nimin khan Woodland Hill, Zonuamah an college aṭanga zirlai kal chhuak tawh turte thlahna hun (Farewell cum Graduation Dinner 2023) an buatsaih.

He hunah hian T Romana College principal Dr Jenifer Lalbiakdiki chuan zirlaite chu college an kalchhunga college tan theihtawp an chhuahna- ah lawmthu hrilhin, an kal zelna turah college meichher chhi zui zela rinawm leh taima taka awm zel turin a chah.

Garduation dinner a kal zirlai kalchhuak turte chu thlahna thil pek hlan vek an ni a, department hrang hrang ten hun (special item) an nei vek bawk a ni.

Govt. T Romana College hi June 3, 1992 khan din a ni a, NAAC accreditation hnuhnung ber 2021 a neihah khan ‘B’ Grade pek a ni.

Department hi pariat a awm mek a, thawktu hi zirtirtu 36 leh office a thawk 16 an awm.

Tunah hian zirlai 1,498 an awm mek a, final semester kalchhuak turte hi an vaiin mi 453 an ni.