MZU Mizo dept-in seminar buatsaih

Mizoram University-a Mizo department chuan nimin khan MZU-ah 'National Seminar on Role of Women-Educator, Writer and Entrepreneur in Mizoram' an buatsaih a, MZU vice chancellor Prof. Dibakar Chandra Deka-a'n a hmanpui.

Prof. Dibakar Chandra Deka chuan, seminar thupui chu tunlaia thupui pawimawh leh ngaihtuah fo tur a nih thu a sawi a, "Ram zahawm leh chak kan nih theih nan hnam tin chìn dan leh tih dan leh ṭawngte kan inzah tawn sak a ṭul," a ti.

Seminar-ah hian kawng hrang hranga mithiamten Mizo hmeichhiate hmasawnna tur leh hma an sawn dan dinhmun an zirbingnate zirho a ni.