STI, HIV, TB & Hepatitis dona hawng

HIV/AIDS leh a kaihhnawih natna dona, Integrated STI, HIV, TB & Hepatitis (ISHTH) Campaign chu nimin tlai khan Health minister Dr R Lalthangliana'n a hawng.

ISHTH Campaign hi June thla chhungin neih tur a ni a; a tum ber chu - jail tang te, harsatna tawk leh khuahkhirh ngai enkawlna hmun hrang hranga awmte HIV, TB, Hepatitis leh sexually transmitted infections (STI) natna laka an invenna leh natna neite'n enkawlna tluantling an dawn theihna tura hmalakna leh ruahman a ni. ndia ram pumah kalpui a ni ang.

India rama jail tangte zingah HIV vei an tam em avangin campaign hi sorkar laipui buatsaih a ni a; khawi hmunah pawh a mamawhte'n enkawlna tluantling an hmuh theihna tura buatsaih a ni. Social Welfare & Tribal Affairs leh Women & Child Development ten an enkawl home hrang hrang te, observation home leh ruihhlo ngaite enkawlna hmunte a huam bawk.

Campaign hi Health department, Mizoram State AIDS Control Society, Prison, Social Welfare & Tribal Affairs leh Women & Child Development-te'n ṭanghoa an kalpui tur a ni a; a hawn­naah hian Health secretary Esther Lal Ruatkimi bakah, department hrang hranga hotute leh pawl hruaitute an tel a ni.