Dy. CW-in BRO hotute a kawm

Dampa bialtu MLA Lalrintluanga Sailo, dy. chief whip chuan nimin khan Border Organisation hnuaia Project Pushpak (Mizoram) Chief Engineer leh a thawhpuite a kawm a, Mizorama project hrang hrangte leh a bik takin Dapchhuah – Tuipuibari kawng siam mek chungchang a sawipui.

Dy. Govt. Chief Whip chuan, Project Pushpak-ten Mizoram tana hmasawnna hna an thawhna kawngah ṭanpui theihna a neih chuan puih ve a inhuam thu sawiin, a bik takin Dapchhuah leh W Phaileng inkar kawng bik chu BRO hnuai thawh tur a nih angin leh Marpara/Silsury leh Tuipuibari lama khaw hrang hrangten an mamawh an panna leh an lamna hmun kalpawhna kawng inṭawm pawimawh tak a nih avangin ngai pawimawh leh zuala helai kawng infinna lai hi khawih hmasa thei se a duh thu Project Pushpak hotute hi a hrilh.

Project Pushpak CE leh a hote pawh hian he lai kawng pawimawhna hrethiamin, kumin working season chhung ngeia thawh zawh hman an tum tur thu Lalrintluanga Sailo hi an hrilh.

Project Pushpak hotute chuan Mizoram chhunga border area road, tun hmaa an kuta awm ṭhin leh tun thlenga la awm rih lote pawh Mizoram sorkarin an kuta a dah duh phawt chuan thawh an inhuam thute an

sawi bawk.