May 2023-ah Covid-19 vei mi 375 hmu

Thla liam ta, May 2023 chhung khan Mizoramah swab sample 1,892 endik niin, Covid-19 hripui vei mi 375 hmuh chhuah a ni a, Covid positive zinga mi pasarih an thi.

IDSP, Mizoram aṭanga thu dawn danin, May thla chhunga Covid-19 positive hmuh chhuah zat chu sample endik aṭangin 19.83% a ni a; ni tin hripui vei hmuh chhuah niin, hmuh tam ber ni, May 10-ah mi 30 hmuh chhuah a ni. Positive zinga mi 382 chu dam taka chhuahtir an ni thung.

May thla chhungin Covid-19 vei zinga mi pasarih an thi a; ni 1, 5, 6, 13, 15 leh 27-ahte mi pakhat ṭheuh an thi a ni.