Pawisa-a lei theih anga min ngaitute hian min hmusit tihna a ni - MPCC President

MPCC chuan nimin khan Congress Bhavan-ah political session an nei a, MPCC president Lalsawta chuan pawisa-a lei theih anga min ngaitute chuan min hmusit tihna a nih thu a sawi.

Lalsawta chuan inthlana sum chakna an party chuan dah nil an tum tih sawiin, "Kan ṭhenawm state-ahte chuan MLA a ding turin cheng nuai 400/500 neih a ngai tawh. Chutiang ang ramah chuan Mizoram hi siam kan tum lo. Pawisa a lei theih anga min ngaitute hian min hmusit tihna a ni. Hawh u, min hmusittute hi i ti zak ang u. 'Hausak tum Politiciante hi kan mamawh lo che u’ tiin min lei tumtute hi i hnawl ang u,” a ti.

Sakhaw tih bik nei lote ṭanrual puiah sawmin MPCC President chuam, "India ram zau zawk leh Manipur boruak kan ngaihtuah hian ṭhut mai mai a theih tawh lo. Sakhaw zalenna a awm theih nan kan ṭanrual a ngai a ni. Mizorama sorkar mek MNF hian NDA huangchhungah BJP an thawhpui a, ZPM pawh hi BJP nen in thawk dun ti ila an haw viau ang, mahse BJP hi an haw tak tak si lo a ni," a ti a, Congress party csakhaw tih bik nei party reng reng an thawhpui ve theih loh thu a sawi.