Mipui thlawpna kan hmu ṭha - ZPM PAC Member

ZPM chuan nimin khan an pisa-ah chhung inkhawm an hmang a, thusawitu ZPM PAC member Isak Malsawma chuan, an party in mipui thlawpna a hmuh ṭhat thu a sawi.

ZPM PAC Member chuan an party chu party naupang tak a nih thu sawiin, "Amaherawhchu, Pathian malsawmna kan dawng nasa a, hun rei lo te chhungin Zoram hmun hrang hrangah hian unit sang chuang kan nei tling ta reng mai. Kan unit hruaitute an phur a, mipui mimir aṭang pawhin thlawpna kan hmu ṭha em em," a ti.

Hmun hrang hranga an unit hruaitute’n sum leh paiah candidate tibuai lo turin an theihtawpin hma an la tih sawiin Isak Malsawma chuan, "Chu'ng zinga lawm­awm deuh mai chu sumt­uak hnatlang an nei ṭhin hi a ni. Hei hian candidate ten campaign vuakveta sum tam tak an sen ṭhin chu nasa takin a chhawk dawn," a ti a, kalphung tharah hian mi zawng zawng an len vek thu a sawi.