Pawl pali-in thisen unit 156 pe
June 3, Inrinni khan Bungkawn Vengthar Presbyterian Kohran chuan an kohhran kum 25-na, silver jubilee lawm nan an kohhran hall-ah Synod Hospital tan thisen unit 51 an pe a, petute mipa 45 leh hmeichhia paruk an ni.
Inrinni vêk khan Lairam Isua Krista Baptist Kohhran (LIKBK) Ṭhalai Pawl, Lawngtlai AOC Bial leh Chandmary Bialte'n Lawngtlai District Hospital tan thisen unit 44 an pe a, petute mipa 43 leh hmeichhia pakhat an ni.
Adventist Youth Federation, Champhai North bialin Champhai District Hospital tan unit 31 pein, petute mipa 28 leh hmeichhia pathum an ni a; CCI(M) KTP, Siaha Bial no.2 member mipa 24 leh hmeichhia paruke'n Siaha District Hospital tan unit 30 an pe bawk.