Mi 2 hnen aṭangin heroin nuai 76 hu man

Champhai Police-te chuan June 2, 2023 khan Champhai aṭanga Aizawl pan tur Wagon R (WB-02-Z-5058) -a chuang Lalrinnunga (27) s/o Lalthlengliana, Hmuncheng khua, tuna Bethel Vengthar, Champhaia khawsa mek nia inchhal hnen aṭangin heroin gram 114 (hawng 9), international market-ah cheng nuai 57 hu an man.

Police-te hian he lirtheia chuang ve tho Andy Lalrinawma (48) s/o Liantuala Sailo (L), Tuikhuahtlang, Aizawl nia inchhal hnen aṭangin heroin gram 38 (hawng 3), international market-a nuai 19 hu an man bawk a; heroin an man zawng zawng hi gram 152 (hawng 12) niin, international market-ah cheng nuai 76 hu a ni.