ATMA-a thawkten June 2022 hnu lamah hlawh la tawh lo

Agriculture dept. hnuaia CSS Agricultural Technology Management Agency (ATMA) hnuaia thawk mi 107-te chuan June, 2022 hnu lamah hlawh an la tawh lo a, an lak hun tur a la hriat loh.

Vanglainiin RTI Act hmanga zawhna Agriculture dept.-in an chhan danin, ATMA thawkten hlawh an lak loh hi pek vek tura ruahmanna siam niin, central lam pawhin an pawm tawh. Fund hi a lapse a mah se, May 4, 2023 khan video conferencing neih a ni a, hetah hian Agriculture joint secretary Samuel Praveen chuan fund lapse zawng zawng hi kum 2023-2024 chhung fund an dawn zawh vek hunah commuted liabilities in pek leh an tum thu a sawi.

Hlawh pek theih an nih loh chhan chu PFMS-ah technical error a awm vang a ni. Sorkar laipuiin Extension Work Plan 2023-2024 a approve hunah hlawh hi lak tur a ni a, hlawh lak hun tur hriat a la ni lo.