AR-in Chite leh Ṭiau lui an thianfai

Aizawla Assam Rifles-te chuan June 3, Inrinni zing khan World Environment Day (June 5) pualin Chite luia bawlhhlawh thenfai hnatlang an huaihawt a, mi eng emaw zat an thawk chhuak.

Chite lui thenfai hnatlangah hian Assam Rifles mi leh sa ṭhahnem tak an thawh chhuah bakah, Chite lui hnaiha awm YMA leh MHIP hruaitute'n an ṭawiawm a; Chite luia plastic bawlhhlawh tam tham tak chhar khawmin, a paihna hmun bikah an paih a ni.

World Environment Day pualin Assam Rifle-te chuan June 2, 2023 khan Zokhawthar bul Ṭiau lui thenfai hnatlang an lo huaihawt tawh bawk.