Minister-in health clinic thar a hawng

Minister K Lalrinliana chuan June 3, Inrinni khan a bial chhung Kolasib Electric Vengah health clinic thar a hawng. Minister chuan, "Kut hnathawh zahpui loh leh, uar zel tura intihhmuh a pawimawh," a ti.

K Lalrinliana chuan, khawtlang hmasawnna tur chuan rilru leh taksa hrisel neih a pawimawh thu a sawi a, "Kan ram intodelhna tur chuan ṭhalaiten thiamthil eizawnna tlak leh ṭangkai an neih a ṭul a, kut hnathawh zahpui loh leh uar zel tura intihhmuh a pawimawh," a ti a, Mizoramah hnam dang hnathawh hreh nei lote'n kut hnathawkin ei an zawn mek thu a sawi.

Mizoram chu hmun hrang hranga Zohnahthlakten harsatna leh buaina avangin inpui anga ngaiin an belh mek thu Minister chuan a sawi a, "A chhunga chengte hian heng kan unaute hi lo tuamhlawm leh kan phak ang tawka lo ṭanpui hi kan mawhphurhna a ni a, inunauna ṭha leh insuihkhawm duhna thinlungpu chunga thawhona chuan hnam zahawm takah min siam thei," a ti bawk.