Sum pûk hmanga inla lianah sorkar puh

ZPM ṭhalaite chuan thuchhuah siamin, Mizoram sorkar chu sum pûk hmanga inla lianah an puh a, leiba hmanga inlak len chu tlâkranna a nih thu an tarlang.

ZPM Ṭhalai chuan, kumin 2023 inthlanpui atana campaign chung­chang sawiin, "MNF sorkarin sum tam tak a pûk hmanga hmasawnna leh mipui mamawh ngawih ngawihte kal pel a, hmun tam taka hma a la hi nakin lawka Mizoram phur tirittu turah kan ngai a, leiba hmanga inlak len hi tlâkranna maiah kan ngai," an ti.

MNF sorkar chuan an term tir lamah kî an lâk sàn viau laiin, a tàwp lamah an zuih hle nia sawiin ZPM Ṭhalai chuan, "Treasury khâr loh tih te, sorkar hnathawk hlawh pek tihte chu an hmai uanna mai a ni tawh," an ti a; MNF sorkarah mipui beisei a sang tawh lo hle a, chaurau êk an thâi ni berah an ngai.

ZPM ṭhalaite chuan, health care sum bá táng tam lutuk chu an term a tàwp hmaa pe chhuak vek turin MNF sorkar an phût a, "SEDP an sem mek laia sum vaibelchhe tam tak pûk mek sorkar kan nei hi vanduaithlâk kan ti a, chhuan tam tak lo la awm tur hnena awmze nei loa leiba hnut­chhiahtu sorkar kan nei hi a vanduaithlak hle a ni," an ti.