MLA-in raltlan ṭanpuina hlan

Tuirial bialtu MLA K Lal­dawngliana chuan June 3, Inrinni khan a bial chhung Thingdawl Polytechnic hmuna Manipur raltlan camp-a awm mekte hnenah ṭanpuina a hlan a; an hriselna dinhmun endikna a buatsaih bakah, damdawi sem nghal an ni.

Tuirial West Block MNF chuan tarlan danin, "Tui pawh an mamawh dan angin PHE department kaltlangin pek an ni a, DMR depart­ment kaltlangin mutbu nei lo mi 40 hnenah mutbu pek a ni. Ration card ngaihtuah sak niin, Thingdawl retailer hnenah buhfai an la thei tawh," an ti.

MLA hian raltlante tan hian dailuah bag 10, prunsen bag 5, chi bag 1, hmarcha kg 10, aieng kg 5, buhfai bag 30, alu kg 525, têl case 10, ors case 1 leh dekchi lian pahnih a hlan niin Tuirial West Block MNF chuan an tarlang.